Dhjetë vendet më të sigurtë në botë dhe Shqipëria dhe Kosova që zhyten në pasiguri

Nga dhjetë vendet më të sigurtënë botë, tetë gjenden në Evropë, sipas Treguesit Botëror të Paqes (TBP) të vitit 2025, por numri i konflikteve ndërshtetëror ka arritur nivelin më të lartë që nga lufta e dytë botërore, me tre që shpërthyen këtë vit. Niveli mesatar i paqes së vendeve u përkeqësua në vitin 2025, duke vazhduar prirjen e 17 viteve të fundit. Vitin e kaluar 74 vend shënuan përmirësim ndërsa 87 përkeqësim. TBP prodhohet nga Instituti për Ekonomi dhe Paqe dhe ndjek 23 tregues, nga konfliktet e jashtme dhe shpenzimet ushtarake deri tek masat e sigurisë si terrorizmi dhe vrasjet. Vendet e renditura në krye të treguesit kanë qenë jashtëzakonisht të qëndrueshëm për gati dy dekada.

Islanda në vend të parë

Islanda renditet në vendin e parë që nga viti 2008 dhe mbetet kombi më paqësor në botë, duke kryesuar në të tre fusha: siguri, mbrojtje, konflikt të vazhdueshëm dhe ushtarakizim. Madje ajo shënoi një përmirësim prej 2% këtë vit, duke zgjeruar hendekun nga vendi i dytë. Për vendasit, ndjenja e sigurisë në komunitet është e ngulitur në jetën e përditshme. “Ndërsa kushtet e vështira të motit, veçanërisht në dimër, mund të mos krijojnë gjithmonë një ndjenjë sigurie, komuniteti po”, tha Inga Rós Antoníusdóttir, e cila ka lindur në Islandë dhe është drejtoreshë e përgjithshme për Intrepid Travel North Europe. “Mund të ecni vetëm natën kryesisht pa u shqetësuar; do të shihni foshnje që flenë të qeta në karroca jashtë kafeneve dhe dyqaneve, ndërsa prindërit e tyre shijojnë një vakt ose [janë] duke bërë punë të ndryshme; dhe policia lokale nuk mban armë”.

Inga ia mvesh gjendjen e sigurisë politikave kryesore botërore të barazisë gjinore të vendit, mundësinë që gratë të ndihen të sigurta. “Mundësitë e barabarta dhe sistemet e forta shoqërore krijojnë një shoqëri më të drejtë dhe më të sigurtë për të gjithë”, tha ajo. Ajo i këshillon vizitorët që ta përjetojnë këtë qetësi të brendshme duke u bashkuar me vendasit në ritualet e përditshme. “Shkoni për të notuar në një pishinë gjeotermale dhe bisedoni me të huaj në vaskën e nxehtë; bëni një ecje në mal, qoftë një ngjitje pasdite në malin Esja jashtë Reykjavikut apo një ecje disa-ditore në malësi”, tha ajo. “Islanda e vërtetë gjendet në skenën e saj të lulëzuar të muzikës dhe artit, në natyrë larg vendeve kryesore dhe në të gjitha llojet e motit”.

10 vendet kryesuese në Treguesin Botëror të Paqes 2025:

1. Iselanda

2. Irelanda

3. Zelanda e Re

4. Austria

5. Svicra

6. Singapori

7. Portugalia

8. Denimarka

9. Sllovenia

10. Finlanda

Shqipëria renditet në vend të 52, me një përkeqësim prej 6 pikësh, pas së cilës renditet Maqedonia dhe pas së cilës renditen Emiratet, Kosta Rika, Gambia, Kazakistani…me Kosovën të renditet e 63, me një përkeqësim prej tre pikësh.