...lufta fillon me kuptimin e shkaqeve të krizave dhe ajo vazhdon me ndryshimin e mendësisë dhe praktikës...

Frika nga Rusia shtynë Poloninë të armatoset edhe më shumë

Blerja më e madhe e armatimeve në historinë e Polonisë dhe shprehja e kushtueshme e një nevoje në rritje për siguri: Polonia dhe SHBA-ja nënshkruan një marrëveshje për disa raketa "Patriot".

31/03/2018 - 14:21

Blerja më e madhe e armatimeve në historinë e Polonisë: Varshava nënshkroi kontratën e blerjes nga SHBA-ja për dy sisteme raketash tokë-ajër të tipit "Patriot".

"Polonia dhe SHBA, Polonia dhe partnerët e NATO-s konfirmojnë kështu bashkësinë e tyre të vlerave dhe vullnetin e tyre për mbrojtjen e përbashkët të gjitha vendet anëtare të NATO-s", tha kryeministri Mateusz Morawiecki.

Sipas Ministrisë Polake të Mbrojtjes Polonia do të furnizohet deri në vitin 2022 me sisteme armatimi me vlerë prej 4,7 miliardë dollarësh. Polonia dëshiron të blejë deri në vitin 2024 tetë sisteme "Patriot". Negociatat për pjesën e dytë të marrëveshjes janë duke u zhvilluar. Presidenti Andrzej Duda u shpreh gjatë nënshkrimit të kontratës për një moment historik. Tani Polonia ka akses në armët më moderne.

Dy të tretat e pajisjeve të ushtrisë polake datojnë në periudhën 1991 pas rënies së Bashkimit Sovjetik dhe shpërbërjes së Paktit të Varshavës. Pas aneksimit rus të Krimesë në vitin 2014, Varshava e përshpejtoi modernizimin e forcave të saj të armatosura.

Polonia dhe Shtetet e Bashkuara ranë dakord mbi marrëveshjen e armëve kur Presidenti i SHBA Donald Trump vizitoi Varshavën në korrik 2017. Qeveria e SHBA-së dha dritën e gjelbër në dhjetorin e kaluar. Kontraktuesit kryesorë janë kompanitë amerikane të mbrojtjes Raytheon, Lockheed-Martin dhe Northrop Grumman.

Në Evropën Lindore po shtohet frika prej Rusisë

Sistemet e armatimit "Patriot" do të jenë pjesë e mbrojtjes së Polonisë kundër një agresioni të mundshëm nga Rusia. Që nga fillimi i krizës në Ukrainë anëtarët lindorë të BE-së dhe të NATO-s, Polonia, Estonia, Letonia dhe Lituania ndihen gjithnjë e më të kërcënuar nga Moska.   

Albania Web Design & Development by: WWW.FIT.ALFIT.AL WEB DESIGN ALBANIA