...lufta fillon me kuptimin e shkaqeve të krizave dhe ajo vazhdon me ndryshimin e mendësisë dhe praktikës...

Punonjësit e policisë serbe madhërojnë genocidin dhe luten për tjetër

Për njohësit e mentalitetit dërmues serb, nuk është çudi që policë dhe eprorë të tyre këndojnë këso këngësh

Adil Fetahu

03/01/2022 - 15:09

Në një objekt hotelier në Priboj (te kufiri: Serbi-Mali Zi – BH), policë dhe eprorë të tyre, të MPB të Serbisë, kanë festuar, duke vallëzuar e kënduar këngë që madhërojnë gjenocidin dhe tharrasin për gjenocid të ri.

Këtë fakt, me tekst dhe foto-inçizim (Yutube) e ka transmetuar portali “Istraga.ba”. Atë inçizim e ka postuar në profilin e tij në fejsbuk polici Marko Pantoviq, nga Drejtoria e Policisë së Pribojit. Edhe pse postimi është hequr shpejt nga fejsbuku, gazetarët e Sanxhakpress-it e kanë regjistruar e ruajtur dhe e kanë transmetuar në kanalin e tyre.

Nga inçizimi shihet e dëgjohet se si policë dhe eprorë të tyre, duke vallëzuar, këndojnë vargje të cilat madhërojnë gjenocidin dhe thërrasin për gjenocid të ri kundër Boshnjakëve:

Oj Srebrenice, tako si mi mila, dabogda se tri put ponovila!

Oj Sjenice, nova Srebrenice!

Oj Pazaru, novi Vukovaru!

Oj Fatima, gdje su ti dimije, u cetnika kod Ledenika?!

Përkthimi i përmbajtjes:

Oj Srebrenicë, aq shumë të dua, dhashtë Zoti tri herë të përsëritesh;

Oj Sjenicë, Srebrenicë e re;

O Pazar, Vukovar i ri;

Oj Fatime, ku i ke dimitë, te cetnikët në Ledenik?!

Këto vargje, bashkë me policët i kanë kënduar edhe eprorët e tyre: Vukosav Darmanoviq, zëvendës i kryeshefit të Qendrës Rajonale të Drejtorisë së Policisë Kufitare në Priboj; Marko Zhujiq, oficer i Drejtorisë Policore në Priboj; Millovin Bjelloviq, ndihmës i komandantit dhe shef i ndërrimit të policisë kufitare, Priboj.

Askush nga kompetentët në Serbi nuk ka reaguar deri më tash për këtë mënyrë të festimit të policisë. Për njohësit e mentalitetit dërmues serb, nuk është çudi që policë dhe eprorë të tyre këndojnë këso këngësh. Aq më tepër kur dihet se cili është eprori i tyre, ministër i policisë Aleksandër Vulin, megafoni dhe dora e djathtë e kryetarit të Serbisë, Aleksandër Vuçiç.   

Video: 
Albania Web Design & Development by: WWW.FIT.ALFIT.AL WEB DESIGN ALBANIA