Edukimi seksual i fëmijëve i detyruar në Britani por...

Në Britani ka filluar të ushtrohet ‘edukimi’ seksual i detyruar i gjithë fëmijëve –që në moshën katër vjeçare- dhe adoleshentëve në ciklin e mesmë.[1] Për kategorinë e parë –të fëmijëve- ligji nuk përputhet me natyrën ‘aseksuale’ të fëmijës.[2] Si i tillë, ai është tejet problematik. Për kategorinë e dytë, -adoleshentët- praktikat nuk shoqërohen me metodologji shkencore dhe zhvillimin paralel të virtyteve, as në nivel mediatik, as në nivel shoqëror dhe as në nivel politiko-ekonomik. Ajo është një nismë që përqendrohet vetëm në një aspekt: në raport me adoleshentin, filmat pornografikë dhe jetën reale. Si e tillë, ajo është ende problematike. Si pasojë, nuk mungojnë propozime nga disa seksologë se fëmijët duhet të mësohen se ç’janë filmat pronografikë! Ata nisen nga përqindja e lartë e fëmijëve që shikojnë filma ponografikë.

Për shembull, 11% e 9 deri 16 vjeçarëve në Britani kishin parë filma pornografikë në internet dhe 2% kishin parë seks të dhunshëm. Ka edhe fëmijë që kanë parë porno në moshë më të vogël.[3] Mosnjohja e kësaj moshe nga prindërit, dhe veçanërisht moskuptimi i ndryshimeve të dinamikave shoqërore, çoi një gocë 12 vjeç në Rusi të vetëvritet, duke u hedhur nga kati i 14 i një pallati, menjëherë pas grindjes me prindërit, kur ata panë se ajo shikonte filma pronografikë.[4] Si pasojë e kësaj klime, nuk do të ishte e çuditshme që adoleshentët (16-18 vjeç), shpesh, ‘shtrëngojnë’ të dashurat e tyre për seks anal.[5] Në Britani, një studim tjetër,[6]  i cili krahason përqindjen e femrave në përvoja homoseksuale nga mosha 16-44, tregon se përqindja është katërfishuar: nga 4% në vitin 1990-të në 16 për qind në vitin 2012-të. Ndërkohë që përqindja e meshkujve ka qendruar thuajse e njëjtë. Femrat dominojnë meshkujt edhe në krijimin e marrëdhënieve heteroseksuale: 9 marrëdhënie në vitin 1990-91 përkundrejt 4 mashkujt dhe 12 në vitin 2012-të përkundrejt 8 meshkujt.