...lufta fillon me kuptimin e shkaqeve të krizave dhe ajo vazhdon me ndryshimin e mendësisë dhe praktikës...

Zbulohet skandali tjetër i marrëveshjes “Rama” me Greqinë: shkëmben zhdukjen e “Çamërisë” me “Epirin e Veriut”

Ky është një tjetër skandal që vërteton edhe një herë shitjen e Shqipërisë nga klasa politike dhe akademike

SHJ

03/07/2018 - 15:06

Çështja e zhdukjes së emërtimit të hapësirës gjeografike të Çamërisë dhe popullit çam në veçanti nga faqet e historisë sonë zyrtare është përmendur gjatë procesit të marrëveshjes. Por tani merr karakter zyrtar me Koxhias të pohojë se qeveria “Rama” ka shkëmbyer çështjen “çame” me çështjen e ashtuquajtur “vorio-epir” ose “epiri i veriut” ose “gadishulli i veriut”: sepse ky term nuk përdorësh në antikitet as edhe përgjatë mesjetës por filloi të përdorësh në vitet 1913 kur kisha dhe reaksioni grek filloi ekspansionin e tij ushtarak në veri të ashtuquajturës “Greqi”! Ky është një tjetër skandal që vërteton edhe një herë shitjen e Shqipërisë nga klasa politike dhe akademike. Ja si e paraqet skandalin në fjalë një e përditshme e cila jo vetëm që s’përmendi faktin e javës së kaluar kur Koxhias e pohoi edhe një herë, më troç se kurrë, se Greqia me hegjemonizmin e saj synon të asimilojë popujt e veriut…dhe të zgjerimit të Greqisë duke dyfishuar hapësirën detare në Korfuz por shtrembëron dhe këtë fakt duke e paraqitur ndryshe: se “epiri i veriut” nuk u përket grekëve sikur mos ta kontrollojnë grekët aktualisht me pensione e të tjerë…por shqiptarëve! Këto janë keqparaqitje me pasoja tejet kriminale për popullin tonë:    

Kotzias i prerë ndaj grekëve: Epiri i Veriut nuk na përket, është i Shqipërisë

Një ditë pasi gazeta greke “Protothema” publikoi pikat e marrëveshjes që po negociohen mes Shqipërisë dhe Greqisë, ka reaguar ministri i Jashtëm grek Nikos Kotzias.

Duke iu përgjigjur kritikave të shumta brenda vendit të tij për Epirin e Veriut dhe Çamërinë, Kotzias pranoi kompromisin në lidhje me Epirin, duke thënë se ky territor sot i përket Shqipërisë.

“Është qesharake të besohet se Epiri i Veriut i përket Greqisë. Ne duhet të bashkohemi. A i njohim kufijtë e formuar nga Akti Final i Helsinkit? A e njohim Aktin Final të Parisit të vitit 1926? A i njohim rezultatet e dy Luftërave Botërore? A e njohim Ligjin Ndërkombëtar dhe duam t’i referohemi atij”?

Kështu u është përgjigjur kritikëve ministri i Jashtëm i Greqisë, ndërsa ka theksuar se nuk është diskutuar dhe as nuk do të diskutohet çështja çame.

Ministri Kotzias bëri apel që të mos ketë pretendime të tilla territoriale. Ai akuzoi opozitën greke se po luan me të ardhmen e vendit. “Këto janë çështje serioze dhe jo lojëra”, theksoi Kotzias.

Ministri i Jashtëm solli në vëmendje se çfarë ndodh kur kërkohet ndryshimi i kufijve.

“Kujtoni disa nga variantet më të këqija të politikës së jashtme turke, kur qëllimi ishte rishikimi i kufijve, kushtet dhe sjelljet. Këto gjëra nuk janë lojëra. Disa anëtarë të “Demokracisë së Re” bëjnë lojëra të vogla, thonë gënjeshtra, që gjasme ne shkëmbyem Çamërinë me Epirin e Veriut. Duket se e kanë harruar se ajo që ne e quajmë Epiri i Veriut, sot i përket një shteti sovran, të pavarur. Nëse të kundërt ta thonë hapur që kërkojnë ndryshim të kufijve? Duan që të bëjmë luftë dhe të ndryshojmë kufijtë? Apo vazhdojmë të besojmë akoma në të Drejtën Ndërkombëtare dhe të zbatojmë marrëveshjet ndërkombëtare”, u shpreh ministri Kotzias.

E përditshmja greke “Protothema” publikoi të hënën marrëveshjen e negociuar mes Shqipërisë dhe Greqisë. Gazeta i mëshonte faktit se Greqia “humbi Epirin e Veriut”, duke hapur shkrimin me këtë titull.

Sipas artikullit të kësaj gazete, dy shtetet kanë rënë dakord që Greqia mos të përmendë termin Epiri i Veriut, ndërsa nga ana tjetër Shqipëria nuk do të përmendë termin Çamëria. Dita

   

Albania Web Design & Development by: WWW.FIT.ALFIT.AL WEB DESIGN ALBANIA