Këngët dhe vallet e Gjirokastrës dhe Delvinës për rrugën e re dhe ‘opozita’ e turpshme e Fugës

Gjashtë ditë më parë u hap rruga e re Kardhiq-Delvinë prej 34 km bashkë me tunelin e Skërficës, e cila, “shkurton me 45 minuta kohën e mbërritjes drejt Sarandës” tha Rama! Hamendësisht, nga Tirana! Si pasojë, ai u prit me këngë e valle nga banorët e Gjirokastrës dhe Delvinës. Ndërsa tuneli ka një gjatësi prej 1316 metra rruga synon të ndihmojë në zhvillimin e turizmit në bregdetin e Sarandës. Me rrugën e re udhëtimi nga Tirana në Sarandë thuhet se zgjat 3 orë. Kostua e rrugës nuk u përmend; as edhe fakti se rrugët nuk janë faktor vendimtar për të zhvillimin e turizmit!

Përkundrazi, ato janë burim aksidentesh dhe kontribojnë në shkatërrimin e ekosistemit, jo vetëm me gazin e automjeteve dhe shkatërrimin e bukurive natyrore por dhe duke shkatërruar rrugën e kafshëve, për udhëtimin e të cilave qeveritë tona dhe inxhinierët nuk mendojnë kurrë!

Kështu bashkë me çlirimet dhe shkatërrimin e bimësisë shkatërrojnë dhe jetën e kafshëve të egra kur dihet se jeta bimore dhe shtazore është në rrezik! Këto efekte opozitës sonë nuk i shkojnë në mendje! Përkundrazi, “filozofi” i saj, Artan Fuga, na tregoi se këngët e banorëve kishin“ironi të hollë” dhe nuk synonin nderimin e kryeministrit por ironizmin e punës së tij! Vetëm se nuk na sqaroi se ç`karakter kishin këngët që i kënduan lebërit Berishës vite më parë. Ndaj shkruajta një poezi shpotitëse për banorët, “filozofin” dhe idiotët e tjerë të opozitës:

Një tunel i shpove,

Labërisë gazmore,

Me vuajtjet e popullit,

Dhe gënjeshtrat e ministrive.

Tejpërtej e shpove,

Labërinë e shkretë,

Si në ekonomi,

Ashtu dhe vegjëli.

Pa këto të parat,

Mungon gjallëria,

Burimet dhe jeta,

Edhe dashuria!

Asaj i mungojnë,

Pyjet, zogjtë edhe kafshët,

Ajri për mushkritë,

Dhe uji për krushqitë.

Tani me tunelin,

Më e qelbur bëhet,

Në pritje të turistëve,

Dhe zemërgjerësive.

Për të gjitha këto,

Këngë të kënduan,

Aq sa opozita,

Plasi nga zilia.

I pari prej saj,

U hodh “filozofi”,

Të cilën e quajti,

Ironi labërie!

Por “harroi” të tregonte,

Këngën ndaj Berishës,

Ishte vallë ajo,

Prej ironie!?