Në mbështetje të banorëve të Shalës dhe kundër politikave kriminale të qeverisë 'Rama'

Vendimi Ministrisë së Energjisë dhe Industrisë për ndërtimin e tre hidrocentraleve në Lumin e Shalës, në zonën e Dukagjinit, ka ngjallur reagimet e banorëve.

Në këtë zonë, ku gjendet edhe Parku Kombëtar i Thethit, vitet e fundit, banorët dhe një numër organizatash ndërkombëtare kanë investuar për zhvillimin e turizmit malor.

Po sot, reagoi edhe Bashkia e Shkodrës e cila u shpreh se ky vendim cënon rëndë dispozitat ligjore dhe konventat ndërkombëtare mbi zonat e mbrojtura.