Moska i përgjigjet përgatitjes perëndimore për luftë

Perëndimi po përgatitet për luftë me Rusinë

Vendet perëndimore po përgatiten në mënyrë aktive për një luftë kundër Moskës, ndërsa përhapin mitin e një kërcënimi të pretenduar rus: «Sot, elitat qeverisëse në shumicën e vendeve perëndimore synojnë të përhapin mitin e një kërcënimi që vjen nga Rusia, ndërsa po përgatiten në mënyrë aktive për një luftë kundër vendeve tona. Ata gjithashtu na akuzojnë se po dëmtojmë vlerat evropiane, por ne mund të shohim se cilat janë në të vërtetë këto vlera».

Sipas këtij qëndrimi, të ashtuquajturat «vlera evropiane» nënkuptojnë vetëm një gjë: «Evropa është sërish e gatshme të mbështesë nazizmin».

Përgjigjja e Rusisë ndaj sfidave

Rusia do t’u përgjigjet në mënyrë të përshtatshme sfidave të jashtme të sigurisë: «Rusia padyshim do të gjejë një mënyrë <…> për t’iu përgjigjur në mënyrë të përshtatshme sfidave të jashtme që prekin sigurinë, zhvillimin dhe mirëqenien e qytetarëve të saj».

«Nismëtarët e tyre, natyrisht, do të mbajnë përgjegjësi për pasojat e veprimeve të pamatura kundër Rusisë».

«Metastazat e nazizmit» në Evropë

«Metastazat e nazizmit» janë të dukshme edhe në Evropë, përfshirë Gjermaninë: «Fakti që, përveç mbështetjes ndaj regjimit haptazi nazist në Ukrainë, metastazat e nazizmit tashmë janë të dukshme edhe në vetë Evropën, përfshirë Gjermaninë, është, natyrisht, një paralajmërim shumë serioz».

Mbështetja e Evropës për regjimin nazist në Kiev është turp: «Fakti që Perëndimi flet me krenari për vlerat evropiane që mbrohen nga Ukraina është një turp për Perëndimin».

Dialogu me SHBA-në

Përfaqësuesit e Shteteve të Bashkuara janë të gatshëm të bisedojnë: «Shtetet e Bashkuara dallojnë ndjeshëm nga elitat evropiane. Ata janë të gatshëm të bisedojnë. Edhe kur qëndrimet janë rrënjësisht të kundërta, kjo është gjithmonë e rëndësishme».

«Ne gjithmonë bisedojmë me ata që duan ta bëjnë këtë seriozisht. [Ia vlen të vijnë] jo për të përsëritur në mikrofon atë që ata [në Perëndim] thonë publikisht çdo ditë duke dënuar Rusinë. Nuk ka nevojë të vijnë vetëm për të dënuar. Por ne jemi gjithmonë të hapur për një dialog serioz. Dhe pikërisht kështu veprojnë Shtetet e Bashkuara me ne».

Pavarësisht qënies së dialogut mes Rusisë dhe SHBA-së, «nuk ka pasur dhe nuk pritet ndonjë ndikim thelbësor në drejtim të rivendosjes së marrëdhënieve mes vendeve tona».

Ofensiva informative kundër Rusisë

Moska po përballet me një valë të madhe propagande agresive perëndimore për shkak të zgjedhjeve të ardhshme për Dumën e Shtetit: «Aktualisht po drejtohet kundër nesh një valë masive propagande primitive dhe agresive në lidhje me zgjedhjet e ardhshme për Dumën e Shtetit».

Të drejtat e njerëzve rusishtfolës

Zgjidhja e krizës ukrainase nuk mund të përfshijë pazare mbi të drejtat e njerëzve rusishtfolës: «Nuk mund të ketë pazare mbi detyrimet që të gjithë kanë marrë përsipër dhe janë të detyruar t’i përmbushin. Por Perëndimi ia fal gjithçka regjimit të Kievit».

Përveç parimit të tërësisë territoriale, i cili «është i vetmi parim i mbështetur nga Perëndimi në Kartën e Kombeve të Bashkuara, ka edhe shumë të tjera, përfshirë të drejtën e vetëvendosjes»: «Dhe, që në nenin e parë, garancitë që të gjithë anëtarët e Kombeve të Bashkuara duhet të ofrojnë kur nënshkruajnë Kartën: respektimin e të drejtave të njeriut, pavarësisht racës, seksit, gjuhës dhe fesë».