Liban: një luftë tjetër po përgatitet mes Iranit, Izraelit dhe Arabisë Saudite

Ndërsa BBC-ja konkludon se lufta e ardhshme në Lindjen e Mesme mund të jetë mes Iranit dhe Arabisë Saudite dhe mund të karakterizohet si “luftë e ndërmjetme” dhe, mund të çojë në “luftë të ftohtë dhe të gjatë” mes dy vendeve,[1] një analizë në “The Guardian” tregon se udhëheqja politike dhe ushtarake e Izraelit ka konkluduar se një luftë me Hazbollahun e Libanit po bëhet gjithnjë dhe më e mundshme pavarësisht paralajmërimeve prej shumë muajsh se një luftë e tretë libaneze do të jetë më e rrezikshme dhe vdekjeprurëse se lufta e fundit e vitit 2006-të.

Tensionet në rritje në kufirin verior me Sirisë dhe Libanit janë rritur muajt e fundit dhe Izraeli ka pranuar se hamendësimi se Hazbollahu – një aleat kyç që lufton përkrah regjimit të Asadit – do të shkatërrohet në një konflik të zgjatur sirian, është i gabuar meqë lufta u kthye shpejtë në dobi të Asadit. Hezbollahu ka krijuar 20,000 ushtarë me kohë të plotë dhe të stërvitur mjaft mirë, 25,000 rezervistë dhe zotëron më shumë se 100,000 raketa.

Grupet e mbështetur nga Irani janë rishfaqur nga lufta e Sirisë si një fuqi ushtarake e madhe dhe efektive të cilët janë rifurnizuar me raketa nga Teherani pavarësisht sulmeve ajrore të Izraelit mbi autokolona dhe depo. Mes kërcënimve që janë krijuar kryeministri i Izraelit Netanjahu tha se Izraeli do të ndërhyjë me qëllim që të pamundësojë themelimin e grupeve të mbështetur nga Irani rreth kufirit të tij.

Në Izrael bisedimet e luftës janë rritur me figurat kryesore ushtarake dhe politike të shkoqisin formën e mundshme të luftës, duke cituar se: “çfarë mund të bënim në 34 ditë në luftën e dytë në Liban ne tani mund ta bëjmë në 48 deri 60 orë. Rritja e fuqisë sonë ushtarake nuk ka qenë lineare. Kjo është fuqi e mundshme e paimagjinueshme në qëllimin e saj, shumë ndryshe nga ç’ka kemi parë në të kaluarën dhe shumë më e madhe se ç’vlerëojnë njerëzit”.[2]

Në këtë luftë përfshihet dhe Arabia Saudite - bashkë me Izraelin. Dhe bashkë me këta të fundit, përfshihet dhe Amerika. Ndërsa me Iranin dhe Hezbollahun e Sirisë dhe Asadin, përfshihet Rusia. Për të njëjtën arsye Izraeli ka frikë nga Rusia – se si do të sillet. Këto ‘përfshirje’ mund të jenë të drejtëpërdrejta dhe të tërthorta, me armë dhe mbështetje të tjera...

Një luftë e re po kundrohet nga gjitha palët. Një tjetër dhimbje do te përjetojmë. Dhe një tjetër shkatërrim.          

[2]Israel’s leadership talks up another war with Hezbollah in Lebanon, The Guardian, 11 Nov 2017.