Trampi shpotit demokratët: Rusia do të ndërhyjë në zgjedhjet e ardhshme për të ndihmuar ju
Rusia "do të përpiqet shumë për të ndihmuar demokratët" në zgjedhjet e nëntorit për Kongresin, kundër kandidatëve republikanë të favorizuar prej tij
Voa
25/07/2018 - 07:46
Presidenti i SHBA, Donald Trump, tha të martën se Rusia "do të përpiqet shumë për të ndihmuar demokratët" në zgjedhjet e nëntorit për Kongresin, kundër kandidatëve republikanë të favorizuar prej tij.
Zoti Trump shkruante në Twitter se ai është "shumë i shqetësuar se Rusia do të luftojë fort për të ndikuar në zgjedhjet e ardhshme".
Presidenti shkruante se bazuar në faktin që asnjë President nuk ka qenë më i ashpër ndaj Rusisë se ai, “ata do të përpiqen shumë në favor të demokratëve. Ata në asnjë mënyrë nuk e duan Trumpin!"
Deklarimet e Presidentit Trump se Moska do të favorizonte demokratët në garat e 6 nëntorit për Kongresin, bie në kundërshtim me përfundimet e komunitetit të zbulimit amerikan se Rusia ndërhyri në zgjedhjet presidenciale të 2016-s për të ndihmuar kandidatin Trump të fitonte Shtëpinë e Bardhë.
Cilësia e lartë gazetareske kërkon përkushtim dhe dashuri. Ju lutem ndajeni këtë artikull me të tjerë duke përdorur vjegzën/linkun përkatëse
- 6 reads
