Miçotaqi përfshihet në kartelin e drogës së mafias shqiptare - Kathimerini

Një raport i gazetës greke “Kathimerini” tregon disa të vërteta të panjohura për kartelin më të madh të drogës që ka parë bota moderne të drejtuar nga shqiptarët. Përpjekja ka filluar pas vitit 1997 nga Dritan Rexhepi (tashmë i burgosur), i cili pas atyre ngjarjeve të tmerrshme që përjtetoi Shqipëria shkoi si fillim në Evropë por ngaqë e kuptoi se “parajsa e pasurimit” gjendësh në Amerikën Latine, shkoi në Ekuador dhe hodhi rrënjët për kartelin më të madh të drogës që ka parë bota e drogës dhe krijoi kushtet për përfshirjen e shumë shqiptarëve të tjerë pas tij, dhe në fund, pavarësisht se ai gjendet në burg, kartelin e drogës tashmë e drejtojnë shqiptarët me “dorë të hekurt” në trekëndshin “Kolombi-Peru-Venezuelë”.

Por ngaqë portet e Roterdamit (në Holandë) dhe Antverpit (në Belgjikë) vitet e fundit këqyren nga organet shtetërore, ata përdorin portin e Pireut dhe Durrësit dhe që andej shpërndajnë drogën në gjithë Evropën ndërsa për SHBA përdorin rrugë të tjera. Raporti thekson aftësinë e mafias shqiptare për të kapur Amerikën Latine dhe ndjeshmërinë e qeverisë së Trampit ndaj karteleve të drogës dhe OKB-së dhe anashkalon —hamendësisht për të çoroditur qytetarët grekë— kapjen e qeverisë së Miçotaqit nga karteli i drogës së shqiptarëve me në krye Ramën. Raportin përkatës s`e ka raportuar asnjë media shqiptare deri tani, hamendësisht sepse s`duan të shfaqin Miçon (ose një ndër sponsorët e tyre) të përfshirë në tregtinë e saj. Por herët a vonë, shtypi ndërkombëtar do të tregojë dhe anëtarin e ri të kartelit të drogës të drejtuar nga mafia shqiptare. Tani Trampi dhe evropianët kanë dy anëtarë pjesë të tregtisë së drogës: njëri pjesë e BE-Eurozonës dhe NATO-s ndërsa tjetri vetëm i NATO-s...   

Pjese nga raporti:

Pa mbrojtje, portet greke “bombardohen” me kokainë

Një ekzekutiv me përvojë i krahut evropian të Administratës Amerikane Kundër Drogës (DEA) foli me “K” për atë që po ndodh në Greqi, në kushte anonimiteti. “Kolumbianët më parë trafikonin vetë kokainën, tani e bëjnë këtë edhe shqiptarët që janë vendosur atje, kryesisht në Ekuador. Ata kontrollojnë gjithçka përveç prodhimit, por ngadalë do të depërtojnë edhe atje. Bandat e tyre kanë “kapur” të gjitha portet e Amerikës Latine veriore, por 80% e kokainës së kapur në Evropë vjen me anije tregtare nga Ekuadori. Më parë, të gjitha këto ngarkesa përfundonin në portet e Roterdamit dhe Antverpit. “Kohët e fundit, megjithatë, holandezët dhe belgët kanë marrë masa të rrepta, duke e vështirësuar punën dhe shumë anëtarë të bandave janë arrestuar.”

Si ia dolën mbanë dhe çfarë po ndodh në portet greke? Bashkëbiseduesi ynë përgjigjet: "Ata kanë instaluar skanerë ultramodernë me rezolucion të lartë në porte, me të cilët "shohin" gjithçka brenda anijes, madje edhe në "zemër" të kontejnerëve. Fatkeqësisht, në portet greke, makineri të tilla, aty ku ka, janë të teknologjisë së vjetër, përveçse janë të prishura shumicën e kohës dhe mirëmbajtja e tyre është e paplotë deri në inekzistente. Për momentin, Greqia po "bombardohet" me kokainë. Dhjetë vjet më parë, çmimi i një kilogrami kokainë "luante" me 50,000 euro në Greqi dhe Bullgari. Sot ka rënë në 14,000, që do të thotë se është e lehtë të hysh brenda."

"Spanja dhe Greqia janë aktualisht vende ku ruhet kokaina. Sasitë dalin nga portet tuaja për në Evropën Juglindore dhe Qendrore, si dhe në Turqi. Qarqet përdorin shumë metoda për bartje. Rrjete të mëdha dhe të organizuara mirë blejnë anije, anije të vogla, në emër të palëve të treta dhe i përdorin ato për të bartur kokainë, zakonisht në ngarkesa bananesh, nga portet e Amerikës Latine në Evropë, por edhe në Azi dhe Australi. E njëjta gjë ndodh edhe me kamionët për transport tokësor. Ata përdorin kryesisht kompani bullgare, ata blejnë kamionët prej tyre, për ta shuma të tilla nuk janë asgjë."

Rrokaqiejt "e zinj"

Sigurisht, baronët e drogës shqiptarë nuk e harrojnë atdheun e tyre. Ata pastrojnë një pjesë të "punës" së tyre përsëri në vendin ku kanë lindur, kryesisht në sektorët e pasurive të paluajtshme, turizmit, por edhe politikës. Tirana është shndërruar në një "pyll" me rrokaqiej. Kushdo që pyet dikë në Shqipëri për financimin e këtyre strukturave monstruoze dhe qëllimin e tyre nuk do të hezitojë të përgjigjet se "janë para të zeza", kryesisht që vijnë nga droga.

Raportet nga agjencitë evropiane të luftës kundër krimit kanë nxjerrë në pah bandat shqiptare si lojtarë të rëndësishëm në tregjet e kokainës dhe kanabisit. Frika e shumë shteteve, si Holanda, Gjermania, Austria dhe të tjera, se bandat shqiptare mund të përmbytin territorin e tyre me drogë, i bën ata të kujdesshëm ndaj pranimit të Shqipërisë në BE dhe vendos një kusht për Tiranën që të godasë krimin e organizuar.