Trampi urdhëroi krijimin e forcës ushtarake të hapësirës
Forca ushtarake amerikane e hapësirës do të mbrojë interesat amerikane në hapësirë duke mbikqyrur trafikun tregëtar dhe mbetjet e satelitore
Voa
20/06/2018 - 08:45
Presidenti Donald Trump tha se i ka dhënë një orjentim Pentagonit që të krijojë një "Forcë të hapësirës", si krahu i gjashtë i shërbimit të forcave ushtarake të vendit.
Këto komente ai i bëri të hënën, në një takim të Këshillit Kombëtar të Hapësirës. Presidenti tha se Amerika duhet të ketë një prani të fuqishme në hapësirë. "Kur është fjala për mbrojtjen e Amerikës, nuk është e mjaftueshme që të jemi të pranishëm në hapësirë, është e rëndësishme që ta dominojmë hapësirën. Kjo është arsyeja që po i kërkoj Departamentit të Mbrojtjes që të fillojë menjëherë procesin e nevojshëm për krijimin e Forcës së Hapësirës, si dega e gjashtë e forcave tona të armatosura", tha Presidenti.
Ideja e Forcës së Hapësirës është ngritur edhe më parë nga zoti Trump dhe administrata të mëparshme, por kjo çështje ka hasur në rezistencën e zyrtarëve të lartë ushtarakë. Voa
*Një studim do të publikojmë së shpejti për këtë temë...SHJ
Cilësia e lartë gazetareske kërkon përkushtim dhe dashuri. Ju lutem ndajeni këtë artikull me të tjerë duke përdorur vjegzën/linkun përkatëse
- 5 reads
