Rrëzohet avioni ushtarak amerikan - 16 të vrarë
VOA
11/07/2017 - 14:49
Zyrtarët nuk dhanë hollësi se prej nga ishte nisur dhe ku po shkonte avioni i cili u rrëzua në një fushë rreth 150 kilometra në veri të kryeqytetit të Mississippit, Jackson. Shkaku i rrëzimit po ashtu nuk ishte i qartë.
Zëdhënësja e Korpusit të Marinës, kapitenja Sarah Burns, tha vetëm se avioni KC-130 "pësoi një aksident".
Drejtori i emergjencave në kontenë Leflore, Frank Randle, u tha gazetarëve se 16 trupa janë gjetur në vendin e rrëzimit.
Marcus Banks, shefi i zjarrfikësve në qytetin Greenwood, tha se mbetjet e avionit janë shpërndarë në një rreze prej tetë kilometrash.
Cilësia e lartë gazetareske kërkon përkushtim dhe dashuri. Ju lutem ndajeni këtë artikull me të tjerë duke përdorur vjegzën/linkun përkatëse
- 1 read
