...lufta fillon me kuptimin e shkaqeve të krizave dhe ajo vazhdon me ndryshimin e mendësisë dhe praktikës...

Dhjetë vende ku gatuhet më mirë - Shqipëria mungon

Rrethohemi të paktën nga dy vende që gatuajnë mirë dhe mbase prekemi në sedër

Dita

22/04/2018 - 17:25

Përpara se të fillojmë me renditjen, kini parasysh se kur bëhet fjalë për ushqimin, vlerësimi ngelet gjithnjë subjektiv.

Renditja fillon kështu [sipas CNN]:

10.Shtetet e Bashkuara të Amerikës

Renditja e SHBA-së në vendin e 10 me shumë mundësi vjen nga gërshetimi i një sërë ushqimesh të njohura, të cilat e kanë prejardhjen nga një vend tjetër. Për shembull, patatet e skuqura vijnë si gatim nga Holanda, pica na vjen nga Italia, ndërsa hamburgerët me shumë gjasa mund të jetë recetë gjermane.

Megjithatë, nuk duhen neglizhuar as pjatat tradicionale amerikane.

Ka gjëra tradicionale si për shembull mishi i derrit, sallata “Cobb”, të cilat ja vlejnë për t’u provuar.

Ushqimet që duhet të provoni në SHBA:

  • Cheeseburger
  • Biskotat me çokollatë

Ushqimet të cilat duhet t’i shmangni:

Të gjitha ato ushqime të përpunuara si “Twinkies”, KFC (produktet me mish pule) dhe ëmbëlsirat.

 

9.Meksika

Nëse ju do t’ju thuhej se keni alternativë për të ngrënë vetëm ushqimin e një vendi, do të vepronit me zgjuarsi nëqoftëse do të zgjidhnit Meksikën.

Kuzhina meksikane ka pak nga gjithçka, dhe kurrsesi nuk do mund të mërziteshit. Midis enchiladës, tacos, helados dhe quesadillas ju do të gjeni edhe sallatën greke si dhe praninë e kerrit indian; nxehtësinë e ushqimit Thai dhe konsumimin e shpejtë të tapasve.

Meksika duhet thënë se është gjithashtu stacioni qendror për ushqimet e shëndetshme bio. Avokado, domatja, hudhra me fasulen, çokollata, si dhe chilies janë të pasura me antioksidantë.

Ushqimet që duhet të provoni në Meksikë:

  •  Mole – salcë tradicionale meksikane e bërë me speca djegës, erëza, çokollatë
  •  Tacos al pastor – mish derri i pjekur në skarë; mishi kërkohet të jetë i marinuar për 4 orë.
  • Tamales – një ushqim i lashtë Mayan, masa e të cilit është e llogaritur me gjethen që e mbështjell. Ajo mund të jetë e mbushur me mish, djathë, fruta ose perime, dhe përbërja e saj kryesore është brumi ( me niseshte).

Ushqimet të cilat duhet t’i shmangni:

Tostadas – në thelb është e ngjashme me një taco ose burrito, por është e shërbyer me peta të çrregullta e krokante, të cilat bëhen copash sapo ta kafshoni këtë ushqim. Pra, është e pamundur për t’u ngrënë.

 

8.Tajlanda

Elementi kryesor tërheqës i Tajlandës janë rrugët në të cilat shërbehet ushqimi i gatshëm. Nëqoftëse do të merrnit një libër kuzhine nga ky vend, do të shikoni se gjëja më e vështirë për t’u gjetur është një ushqim i cili nuk kërkon një listë të gjatë ingridientësh për t’u përgatitur.

Kombinimi i shumë bimëve dhe erëzave në çdo pjatë prodhojnë shijen komplekse të ushqimit tajlandez: E ëmbla, e kripura, pikantja, aroma, gjithçka mund të gjendet brenda një pjate tajlandeze.

Kuzhina tajlandeze vjen si rrjedhojë e ndikimeve nga Kina, Malajzia dhe Indonezia.

Ushqimet që duhet të provoni në Tajlandë:

  • Tom yam kung – Tom i referohet procesit të zierjes,ndërsa yam i referohet një erëze pikante tajlandeze dhe kosit. Në të vërtetë tom yam kung karakterizohet nga nxehtësia, erëzat aromatike dhe bimët e përdorura me bollëk në supë.
  • Massaman kerry –kjo gjellë tajlandeze i ka rrënjët nga kultura e ushqimit islamik.
  • Som tam-sallatë jeshile mjaft e përdorur në Tajlandë; papaja është e thartë, me aromë, e ëmbël dhe e kripur.

Ushqimet të cilat duhet t’i shmangni:

Pla som-një peshk i fermentuar dhe i papjekur. Ky lloj peshku është mjaft popullor në Lawa të Tajlandës.

 

7.Greqia

Sikurse peisazhi i mrekullueshëm i bregdetit të Greqisë dhe gërshetimi i tij me ndërtesat e bardha, edhe ullinjtë, djathi i bardhë, sallatat shumëngjyrëshe dhe mishi i pjekur përfshihen në kartolinën e mirëseardhjes së këtij vendi ballkanik.

Dhurata më e madhe që mund t’i jetë bërë Greqisë nga natyra (por edhe nga perënditë, sikurse pretendojnë ato) janë ullinjtë, si rrjedhojë edhe vaji i ullirit.

Ushqimi në Greqi është gjithashtu një mënyrë për të konsumuar historinë. Një “pickim” i dollmas ose i një supe me thjerrëza të ofrojnë një copëz shije nga kuzhina e Greqisë së lashtë.

Ushqimet që duhet t’i provoni në Greqi:

  • Vaji i ullirit
  • Spanakopita –  Spinaq i përzier me djathra të ndryshëm dhe i mbuluar me peta të pjekura. ( një lloj byreku me spinaq)
  • Gyros – sufllaqe greke

Ushqim të cilin duhet ta shmangni:

Lachanorizo ​​- në thelb kjo pjatë përbëhet nga lakra dhe qepë të skuqur që përzihet me oriz. Pjatë me sasi të konsiderueshme për t’u ngrënë, por është vetëm një-dimensionale.

 

6.India

Kuzhina indiane është e identifikuar nëpër botë përmes përdorimit me bollëk të erëzave, të cilat i ndryshojnë totalisht shijen mishit dhe perimeve. India me erëzat e saj vendase ka arritur të transformojë shijen e ushqimit vegjetarian, dhe për këtë renditet në vendin e gjashtë.

Ushqimet që duhet t’i provoni në Indi:

  • Dal – Thjerrëza të ziera sipas kuzhinës indiane, me një shijë totalisht ndryshe nga ajo e thjerrëzës së gatuar nga vendet e tjera.
  • Dosa – Në pamje është e ngjashme me një krep, por përbërësi kryesor i saj është orizi. Shërbehet e nxehtë dhe është e mbushur me patate.
  • Chai – çaj aromatik që vjen si produkt i përzierjes së erëzave aromatike dhe bimëve indiane.

Ushqim të cilin duhet ta shmangni:

Pula Balti

 

5.Japonia

Japonezët aplikojnë ingridientë në masa ekzakte në ushqimin e tyre, dhe kjo shikohet edhe tek gatimi i mrekullueshëm i sushit.

Ushqimet që duhet t’i provoni në Japoni:

  • Supë Miso – e përbërë nga erëza të cilat janë shumë të rëndësishme në ushqimin japonez. Është një pjatë e thjeshtë dhe e shëndetshme.
  • Tempura (Friturë) – Pjatë tradicionale portugeze e përftuar nga japonezët. Bazohet në ushqimin e detit ose në perime, të cilat janë të skuqura lehtë, jo yndyrshëm.

Ushqim të cilin duhet ta shmangni:

Fugu – peshk helmues

 

4.Spanjë

“Viva Espana”, vendi i cili karakterizohet nga kultura ushqimore hedoniste. Nga frutat e Detit Mesdhe deri tek shafrani, ushqimi spanjoll është shumë i shijshëm.

Ushqimet që duhet t’i provoni në Spanjë:

  • Jamon Iberico – një proshutë e stërmadhe e përbërë zakonisht nga mishi i derrit. Zakonisht spanjollët e fiksojnë atë në një stendë druri si  të ishin duke kryer një ritual mesjetar.
  • Churros – versioni më i mirë në botë i brumit të ëmbël të skuqur.

Ushqim të cilin duhet ta shmangni:

Gazpacho – Supë e ftohtë e përbërë nga perime të grira, por zëre se është sallatë e lëngshme.

 

3.Franca

Nëse je një nga ata njerëz që nuk duan të hanë, sepse “ka më shumë për jetën sesa thjesht ushqim”-vizitoni Parisin. Është një qytet i njohur për banorët e saj “me shpirt të trazuar”, por të gjithë besojnë në rëndësinë e ushqimit të mirë.

Në Francë ju këshillojmë të përqëndroheni në eksplorimin e kombinimeve të verërave dhe djathrave nga i gjithë vendi.

Ushqimet që duhet t’i provoni në Francë:

  • Escargot – Kërmij të gatuar, dhe zakonisht shërbehet si pjatë startuese.
  • Macaroons – ëmbëlsirë e cila gjendet në çdo pastiçeri të Francës.
  • Baguette – Bukë franceze, e cila do të jetë gjëja e parë dhe e fundit që do të dëshironi të hani në Francë.

Ushqim të cilin duhet ta shmangni:

Foie gras – Konsiderohet si një pjatë e shtrenjtë në Francë. Ros e pjekur tmerrësisht shumë në gjalpë.

 

2.Kina

Njerëzit që përshëndesin njëri-tjetrin me “a keni ngrënë akoma?” janë ndoshta më të obsesionuarit në botë rreth ushqimit. Ushqimi ka qenë një formë e arratisjes për kinezët gjatë gjithë historisë së saj së trazuar.

Kinezët rezultojnë si një nga popujt më të guximshëm në të ngrënë. Është vendi ku mund të tronditeni nga ushqimet që ofrohen, ndërsa kuzhina rajonale e Kinës ka aq shumë larmishmëri brenda saj sa është e vështirë të besohet se ushqimet janë nga i njëjti komb.

Ushqimet që duhet t’i provoni në Kinë:

  • Derri i ëmbël dhe i lagësht.
  • Dim sum – ushqim i shërbyer në racione të vogla, por që zakonisht shoqërohet në momentin kur kërkoni të pini çaj.
  • Derri i pjekur dhe rosa e Pekinit – mrekullitë e pjekjeve të ndryshme të adoptuara nga kuzhinierët kinezë.

Ushqim të cilin duhet ta shmangni:

Supa e peshkaqenëve

 

1.Italia

Ushqimi italian ka skllavëruar njerëz rreth globit për shekuj, me salcat e saj, produktet me miell gruri dhe ëmbëlsirat e tyre me krem.

Nga rizoto deri te mishi i skuqur e i freskët, kuzhina italiane është një përmbledhje e ushqimit që i pëlqen turmës. Shumë njerëz e kanë mirëpritur atë në shtëpitë e tyre, dhe këtu gjendet dhe çelësi i suksesit – ushqimi italian është ushqim i përshtatshëm për shijen e çdo njeriu.

Ushqimet që duhet t’i provoni në Itali:

  • Ragu alla bolognese (spaghetti bolognaise) – Salcë me mish për makaronat.
  • Pizza
  • Sallam italian
  • Akullore
  • Mozzarella –  djathë i butë, i bardhë, me qumësht të buallit dhe ujë.

   

Albania Web Design & Development by: WWW.FIT.ALFIT.AL WEB DESIGN ALBANIA