Dënohen 8 studentët që qëlluan kryeministrin me vezë!

Gjykata e Tiranës ka dënuar sot me nga 60 orë punë në interes publik secilin nga studentët që qëlluan me vezë kryeministrin Edi Rama.

Vendimi u mor pas disa seancave në ngarkim të studentëve të akuzuar.

Gjykata pranoi pretencën e prokurorisë së Tiranës, e cila për 8 studentë të “Lëvizjes për Universitetin”, të cilët më 2 nëntor 2015, goditën me vezë kryeministrin Edi Rama gjatë protestave të zhvilluara në Tiranë kundër ligjit për arsimin e lartë, kërkoi dënimin me 60 orë punë në interes publik për secilin student.

Bora Mema, një nga studentet e dënuara deklaroi pas vendimit se “e vetmja pendesë, ndoshta se nuk e kemi qëlluar në shenjë”.

Studentët e dënuar

Anita Lushi

Bora Mema

Klodi I. Hoxha

Viki Cipi

Liri Kuçi (Dita)

Durim Jasharaj

Dardan Konjufca

Valton Marku.